Gratias tibi ago.
(Dziękczynienie po do Mszy Świętej)

Gratias tibi ago, Dómine, sancte, 
Pater ornnipotens, 
aeterne Deus, qui me peccatórem, 
indignum famulum, tuum, 
nullis meis meritis, sed 
sola dignatióne misericordiae tuae 
satiare dignatus es 
pretioso Corpore et Sanguine Filii tui,
Dómini nostri Jesu Christi. 

Et precor, ut haec sancta communio 
non sit mihi reatus ad poenam, 
sed intercessio salutaris ad veniam. 

Sit mihi armatura fidei et scutum bonae voluntatis. 
Sit vitiórum meórum evacuatio, 
concupiscentiae et libidinis exterminatio, caritatis et patientiae, 
humilitatis et oboedientiae, omniumque virtutum augmentatio: 
contra insidias inimicórum ómnium, 
tuam visibilium quam invisibilium, firma defensio: 
mótuum meórum, tam carnalium quam spiritualium, perfecta quietatio: 
in te uno ac vero Deo firma adhaesio; atque finis mei felix consummatio. 

Et precor te, ut ad illud 
ineffabile convivium me 
peccatórem perducere digneris, 
ubi tu cum Filio tuo et Spiritu Sancto Sanctis tuis 
es lux vera, satietas plena, 
gaudium sempiternum, jucunditas consummata 
et felicitas perfecta.

Amen.